2. DBH Arnasetik-eko irabazle

Uemak Arnasetik lehiaketa antolatu zuen Arnasguneetako ikasleok euskaraz sormena lantzeko. Gure 2E gelako ikasleek beren tutore Mikel Iriarterekin bideo bat prestatu zuten. 112 lanen artean,  Derrigorrezko Bigarren Hezkuntzako 1. eta 2. maila kategorian, Azkoitxiko epaitegia lanarengatik saria irabazi dute.

Saria 500 euroko izan da, eta diru hori Irrisarri Land-erako sarreretan, Durangoko Azokako denda birtualean edota EITB-ko Goazen! eta Irabazi arte! telesailen merchandising-ean erabili ahal izango dute.

Zorionak ikasle eta irakasleari!!

Azken bi aste hauetan Txerloiko tenis pistetara joan gara DBH 1., DBH 2. eta DBH 3.ko ikasleekin. Txerloia Tenis klubak eta Udalak emandako erraztasunei esker, gure ikasleek tenisean aritzeko instalazio bikain hauetaz gozatu ahal izan dute.

Urrian, DBH 1.mailako ikasleak Arantzazura joan ginen. Biologia-Geologia mintegiak antolaturiko irteera honetan bertako pagadia aztertzeko aukera izan genuen. Baso eta landaketen arteko ezberdintasunak ezagutu genituen, animalien arrastoak ikusi ere bai, eta pagadiaren garrantzi ekologikoari buruz hausnartu genuen. Goiz pasa polita izan zen.